14年後再遇霆鋒！周國賢驚顯老唔敢同台

歌手周國賢（Endy）參與在亞洲國際博覽館露天廣場舉行的音樂會，演出後他興奮表示認真爽：「以前以Zarahn身份都有唱戶外騷，都勾起好多回憶。」講到剛才演繹為壓軸嘉賓謝霆鋒作曲的《塞車》，問到稍後會一齊Jam歌？Endy指不會：「會盡量留到最尾，因為之後都有工作在身，不過佢都有多謝我嚟玩，對上一次見佢真人已經係14年前參與電視節目，當時仲寫咗兩首歌畀佢。」之後會再寫歌給霆鋒？他笑笑口話要等對方開口先，又自嘲樣子比霆鋒滄桑：「好神奇！佢仲Keep得咁好！個樣冇變咁，驚同佢Jam歌企埋會顯老！」

不過他坦言開頭都好驚帶動不了萬人大場：「因為好耐冇彈過電結他。（第一次喺咁大個場？）之前有喺西九開過，個規模大啲，但都係近萬人，仲記得畀人投訴聲浪太大。」是否為稍後的個唱做預演？他表示之後的演唱會比起今次戶外騷的形式不一：「會係文靜少少，藝術嘢，唔係萬人大樂隊。」