謝賢孭結他型過霆鋒：我上去唱！

歌手謝霆鋒自年初驚喜現身電台頒獎典禮獻唱後，今日出席亞博戶外騷，更獲爸爸謝賢（四哥）到場支持，四哥依舊以一身全黑Look型格登場，問到是否特意前來力撐霆鋒？他說：「唔係嚟睇騷嚟做咩？（係咪好耐冇現場睇霆鋒台上唱歌？）一陣叫佢落嚟，我上去唱！」追問想唱咩歌？會點唱霆鋒甚麼歌？四哥就笑笑口沒有回應。

期後媽咪狄波拉（拉姑）與老公鬍鬚Kong（江耀城）到場，拉姑一見四哥就風騷翹住手企定定合照，又笑話要行Catwalk，拉姑爆四哥料說：「佢問邊度有紅地氈行！」隨即叫四哥轉個「謝賢靚身」，四哥即時聽話自轉一圈，簡直型到爆！問到四哥是否真的上台唱歌？他大笑謂：「我話佢落嚟我先上去唱！（你唱歌孭結他型過仔仔。）個天畀我㗎！佢學唔嚟！（一係上去跳番Part舞？）都好！」說畢即騷Quali跳了幾步舞，認真爆笑！問到拉姑會否上台同四哥Jam歌？她則以笑回應。霆鋒經理人霍汶希、好友杜如風和徐濠縈亦有到場睇騷。