太太佗B 5個月　黃澤鋒為囡囡改定花名

藝人黃澤鋒夫婦、黃建東、李日朗等今出席「第五屆衍生獎學金啟動禮」活動，黃澤鋒與太太恩愛現身，他以「王太后」來形容太太，笑言去到邊都要扶實，黃澤鋒太太指BB現五個月大，好多嘢都回復正常，孕吐反應較少，黃鐸鋒太太謂：「依家就長胎唔長肉，我就瘦咗，以前唔係好覺有舊嘢，依家照超聲波會有嘢郁郁吓。」

兩人還透露BB是女兒，問到改了名字未？黃澤鋒謂：「李丞責話唔可以改名先，等出咗世先，出世先決定叫乜嘢名，不過花名可以改咗先，聽聞改女字邊好，所以個女嘅花名叫『黃妃』。（會唔會追多個？）唔想隔太遠，希望生完即刻再有。（咁你要勤力啲？）除咗嗰方面，仲要勤力搵錢養家，依家知道係女，都擔心自己會縱個女。」他們又謂已找到贊助商去影大肚相，應5月會去影，留個記念，至於黃澤鋒太太早前患妊娠濕疹，現在經已痊愈。