撐李氏兄弟　楊明被莊思明寸影相差

藝人楊明出席好友李泳漢及李泳豪「阿久根和牛拉麵屋」新店開張，對做生意感興趣，表示：「睇吓有冇咩Crossover可以合作。」

單拖赴會，楊明解釋女朋友莊思明有工作在身嚟唔到，問到二人經常在社交網放閃，係咪好事近？他說：「盡快，時間未定，但都會朝住呢個方向。」講到早前與莊思明及莊思敏等人去泰國旅行，思明好有心為同行「團友」影相，楊明說：「係呀，佢鬧我影相麻麻，我見到佢幫朋友影相都好辛苦，其實佢嗰啲花絮相都係我影。（報番個課程增值？）咁又唔會，但會留意吓點樣相。」談及工作，他將會接拍《打工捱世界》，屆時要與女友分隔異地：「要做嘢冇辦法啦！」