防禦力偏低！石詠莉皮膚敏感痕到失眠

藝人鄭融今日出席《建造業安全獎勵計劃2018/2019嘉年華會》，她透露近日忙於宣傳新歌，明日將聯同街頭歌手Judas到銅鑼灣Busking，預計唱半小時，從未試過街頭獻唱的她表示心情興奮：「早幾年見過年輕人Busking，氣氛好自然，會令我想join。（會唔會Busking上癮？)唔會嘅，知道張繼聰試過冇安排下，喺街問個Buster借結他彈住唱畀太太聽，成件事好sweet同自由。」

而同場的石詠莉則一臉倦容，她透露正受皮膚敏感纏繞，每晚痕到未能入睡：「醫生話係皮囊炎，因為之前唔舒服，食好多藥，依家發晒啲毒出嚟，再加上食敏感藥，所以成日都覺得好眼瞓，老公都好心痛，其實每年春天我都好艱難。」問到其哮喘情況，石詠莉透露已有好轉，現時毋須吸哮喘藥。身體差的她被問到可有作身體檢查？她謂：「檢查報告我係正常，只係防禦力比普通人低，我有做運動已經好好多，所以我都唔知幾時先生仔，等調理好身體先。」