低胸變高領　惠英紅黃河攞獎信心滿瀉

金像獎影后惠英紅與台北電影獎影帝的黃河齊行紅地氈，二人分別憑《翠絲》角逐最佳女配角及最佳男配角，他們齊聲表示有信心。配戴價值超過430萬元美國高級珠寶品牌Hearts On Fire首飾系列的惠英紅說：「自己都有信心，不過睇完啲競爭對手之後就真係唔知，個個都好勁，但好希望黃河攞獎，佢真係做得好好。」而黃河說：「我好有信心，但攞唔攞獎都冇所謂。」

惠英紅穿上淺粉藍色長衫赴會，問是否以戰衣上陣？她說：「係啊，我平時好少着咁淺色嘅衫，多數黑色為主，本來件衫係低胸，但我覺得太低，所以改番高領，唔想露太多骨，自己太瘦。（增肥？）下個月啦，最近好忙，好多活動，又有廣告，又有新戲宣傳，要四月頭先有假放，到時先喪食。」黃河則表示會在港逗留多兩日，惠英紅十分抱歉地說：「唔好意思，有活動冇時間陪你，等下次再陪你。」