攞獎攞到手軟 黃秋生:榮耀歸於上帝

2019年03月17日 20:16
東網電視
更多新聞短片
對於主演的新片連續攞獎,黃秋生:「唔可以囂,返屋企要跪低祈禱…」

影帝黃秋生現身《第13屆亞洲電影大獎》紅氈,主演的新片剛剛在《第14屆大阪亞洲電影節》得獎,他笑言:「係咩?我之前喺東京喎,做乜唔請埋我過去。(連攞5個獎咩感受?)好唔真實,要小心啲,唔可以囂,返屋企要跪低祈禱,將榮耀歸於上帝,要有謙卑嘅心先可以。」

談及早前在東京拍攝廣告,問可有大擦美食,他表示:「我哋去啲鄉下地方咋。不過今次去咗個茶園,裏面有茶糠用嚟整茶,整出嚟嗰啖茶到依家都好難忘,係我呢世仔飲過最好飲嘅茶。本來我好耐冇玩茶道,但飲完之後都好有衝動想再拎番啲茶具出嚟。」

視阿爾柏仙奴為榜樣

講到他日前於社交網晒出親筆書法,即獲大批網民激讚,他興奮地表示多謝網民欣賞,並指因得獎心情好,故突然有興致重拾書法。

至於問到得獎後有否多了電影片約,他說:「暫時都未有,不過我自己都好多嘢搞,會有舞台劇,又會同林海峰有個棟篤笑,相信都會幾忙。」

另外,黃秋生在揭開序幕介紹修復電影時,自言作為演員,平日大多時間也是當「Waiter」,有工開時便等埋位,但大部分時間也很空閒,故不少後輩亦趁機請教他一些演戲問題,他謂:「我多數叫佢考演藝學院,但我都有少少秘訣,就係多啲參考經典電影,一啲舊電影都值得我哋學習。」秋生更指當年效力無綫期間,也有找一些出名電影及演員作為學習對象,如影帝級阿爾柏仙奴(Al Pacino)。