謝霆鋒首選開戶外騷:最好有美食加音樂

2019年03月17日 21:49
東網電視
更多新聞短片
霆鋒首選開戶外騷。

歌手謝霆鋒完騷後接受訪問,講到今日開騷反應極佳,問到會否想盡快開紅館騷?他說:「畀期我先得㗎啦!公司有申請,但冇畀期我,本身年底開,不過畀咗Eason(陳奕迅),之後會再申請,因為自己都想開紅館。」霆鋒又講到若然開騷,他心儀、首選都是戶外場地:「我啲咁嘈喧巴閉嘅人要企,雖然開戶外騷有好多顧慮,例如會驚天氣,好彩今日冇落雨,前嗰幾日都有落。(揀番呢個場?)最好係美食加音樂嘅嘉年華,咁就完善啲。」

提到雙親謝賢(四哥)及狄波拉(拉姑)都有現身捧場,問到是否邀請二人前來睇騷?霆鋒說:「係佢哋搵到飛,係開心事嚟,冇所謂!(頭先講到件衫7個星期冇洗?)講笑啫!(咁你有冇7個星期冇見對仔?)唔係,前日先見完。(做咩唔一齊去家長日?)有我哋自己安排。」為何不帶仔仔來感受Rock爆氣氛?他說:「佢哋唔係偏Rock,文靜啲。(台下都有好多小朋友演奏,都感染吓佢哋?)唔講啦,佢哋係好動,但同鍾意搖滾係兩件事,佢哋鍾意會安排。」惟一問到最近可有見前妻張栢芝?霆鋒即微笑搖頭,即時封口。