奪最佳女配角！惠英紅晒珍藏比堅尼即找數

藝人惠英紅憑電影《翠絲》獲得亞洲電影大獎最佳女配角，她上台致感謝詞時說：「能夠同咁多優秀電影人合作，真係莫大嘅榮幸，多謝監製舒琪先生同導演對我嘅信任，黑仔（姜皓文）、BEN哥（袁富華）等信任，特別多謝大會，我知評審好辛苦，頭先見到陳冲小姐（評審主席），佢都好攰，條頸好痛。」

她於後台接受傳媒訪問時說：「大件事喇，之前講過如果攞到獎要上載比堅尼相，依家要找數，要快啲返屋企搵相，如果唔係甩大牙，我呢個年紀甩牙好慘！」問會否考慮即影？她說：「影唔切喇，講咗聽朝要甫，啲相都係上年影，私人珍藏嚟，熱辣辣㗎！（找數都開心嘅？）好驚，幾十歲，驚上載之後好多負評，變咗負評王，都係要打格仔，（打邊？）比堅尼上下都打，應該打個樣，咁咪可以搵第二個人嘅相嚟打格仔然後當自己，咁我就有覺好瞓。」現率先奪得女配角獎，問她會否更有信心攞埋金像獎？她謂：「我不嬲都催眠自己，話好有信心，攞唔攞到係另一回事，輸人唔輸陣嘛！（攞埋會點找數？）吓，已經三點式，唔通一點式咩，我係老奶奶嚟，唔好搞我啦，攞完當無事發生。」她又笑言今次是第三次獲頒亞洲電影大獎，相當高興，她透露昨日搬家，多年來所奪得的獎盃排排放：「啲獎放晒出嚟，自己坐喺梳化度望住，發現我有兩個亞洲電影大獎，所以希望攞多個畀媽咪睇。」

至於內地男星章宇憑電影《我不是藥神》獲得「最佳男配角」，好友譚卓於台下感動流淚，章宇表示頒獎禮舉行前，曾與朋友以一賠五賠率打賭他的勝算，沒料最終他贏得獎項，他說：「所以今次我輸了很多，但也是有史以來輸得最開心一次。」

惠英紅話口未完即找數，唔使等聽朝喇！真係女漢子！