夺最佳女配角!惠英红晒珍藏比坚尼即找数

20190317
东网电视
更多新闻短片
惠英红夺最佳女配角后立即找数,索爆女汉子!
艺人惠英红凭电影《翠丝》获得亚洲电影大奖最佳女配角,她上台致感谢词时说:“能够同咁多优秀电影人合作,真系莫大嘅荣幸,多谢监制舒琪先生同导演对我嘅信任,黑仔(姜皓文)、BEN哥(袁富华)等信任,特别多谢大会,我知评审好辛苦,头先见到陈冲小姐(评审主席),佢都好攰,条颈好痛。”
她于后台接受传媒访问时说:“大件事喇,之前讲过如果攞到奖要上载比坚尼相,依家要找数,要快啲返屋企搵相,如果唔系甩大牙,我呢个年纪甩牙好惨!”问会否考虑即影?她说:“影唔切喇,讲咗听朝要甫,啲相都系上年影,私人珍藏嚟,热辣辣㗎!(找数都开心嘅?)好惊,几十岁,惊上载之后好多负评,变咗负评王,都系要打格仔,(打边?)比坚尼上下都打,应该打个样,咁咪可以搵第二个人嘅相嚟打格仔然后当自己,咁我就有觉好瞓。”现率先夺得女配角奖,问她会否更有信心攞埋金像奖?她谓:“我不嬲都催眠自己,话好有信心,攞唔攞到系另一回事,输人唔输阵嘛!(攞埋会点找数?)吓,已经三点式,唔通一点式咩,我系老奶奶嚟,唔好搞我啦,攞完当无事发生。”她又笑言今次是第三次获颁亚洲电影大奖,相当高兴,她透露昨日搬家,多年来所夺得的奖杯排排放:“啲奖放晒出嚟,自己坐喺梳化度望住,发现我有两个亚洲电影大奖,所以希望攞多个畀妈咪睇。”
至于内地男星章宇凭电影《我不是药神》获得“最佳男配角”,好友谭卓于台下感动流泪,章宇表示颁奖礼举行前,曾与朋友以一赔五赔率打赌他的胜算,没料最终他赢得奖项,他说:“所以今次我输了很多,但也是有史以来输得最开心一次。”
惠英红话口未完即找数,唔使等听朝喇!真系女汉子!