《紅海行動》再下一城 楊受成領獎心情靚

2019年03月17日 22:00
東網電視
更多新聞短片
《紅海行動》奪得「2018年最高票房亞洲電影」獎項!

英皇電影《紅海行動》於《第13屆亞洲電影大獎頒獎典禮》中贏得「2018年最高票房亞洲電影」獎項,《紅》片以36.5億人民幣票房稱冠,老闆楊受成上台領獎,他表示:「拍呢套戲遇到好多困難,要得到中國政府軍部、同時亦得到摩洛哥政府軍部協助,又有好多關卡要過,所要要多謝《紅》片所有人員,同埋電影靈魂人物林超賢導演,佢嘅執著、要求,做到百分百,有36.5億票房,實在可喜可賀,非常難得!」

而楊受成於後台受訪時表現非常開心,他和亞洲電影大獎及香港國際電影節協會主席王英偉及電影人吳思遠手持獎項,繼續讓大家影相,落台後楊受成說:「《紅》片雖然係攞好多獎,但呢個獎別具意義。(對新片《緊急救援》會否增強信心?)會!呢套片內地戲份已煞清,之後會再去墨西哥拍多幾個月,到時會親自到場探班振軍心,親身拎個獎去畀林導睇!(會開《紅》續集?)有講嘅,但劇本準備都要兩、三年,唔急得,大陸海軍係好想我哋拍,但唔容易,因為好多關卡要過,軍事基地又要申請,所以我要再多謝林超賢導演,同我嘅拍檔于冬,因為佢喺內地關卡嘅溝通工作,出咗好多力去幫忙!」