宣布愛女中文名！王祖藍百日宴冧爆李亞男
20190318
東網電視
更多新聞短片
王祖藍大賣口乖，氹得李亞男勁開心！
藝人王祖藍與李亞男昨日在主題樂園筵開逾四十席，為愛女Gabrielle舉行百日宴，並公布女兒中文名為「王天韻」。活動更設「懇辭賀禮」，主人家將所有人情，轉贈慈善機構，幫助香港的罕有病兒童。乖巧的Gabrielle雖然接連要跟大批賓客朋友合照，但全程未有扭計！不過向來疼錫女兒的祖藍及亞男，一見愛女打呵欠即叫陪月姐姐帶女兒返回「公主房」稍事休息，並拿出大批1比1紙版囡囡「頂更」，氹得賓客朋友十分開心，更大讚紙版Gabrielle可愛度不輸真人。
「天上嚟嘅音樂」
昨日赴會群星眾多，包括祖藍好友蔡少芬一家四口、鄧萃雯、郭晉安與囡囡、阮兆祥、苟芸慧夫婦、方力申、羅敏莊一家三口、陳爽、林欣彤、陳嘉佳、梁嘉琪、何遠東、陳豪一家五口、薛家燕、羅蘭、林盛斌太太和四位小朋友等。祖藍與亞男上台致謝辭時表現興奮，除了表情多多，更即席宣布愛女的中文名字：「我拍緊《你咪理》嘅時候，阿女只要一聽到戲入面嘅音樂，就會踢佢媽咪個肚。我覺得佢係天上嚟嘅音樂，所以佢個名係叫做王天韻。」
「王家因你而改變」
事後王氏伉儷齊齊受訪，祖藍笑言十分感恩女兒愈大愈似太太：「我好開心，初初BB出世時未收水，好似我咁一Pat嘢。但後來佢收水後，我就感恩佢愈嚟愈似我老婆。其實我啲DNA都好強㗎，估唔到輸咗畀太太！」亞男即笑指祖藍應感激她，祖藍聞言搞笑大派冧招說：「好多謝你呀！王家因你而改變！醫生仲話，我個女喺同齡嘅BB嚟講算係高㗎！」
----------------------------
東網巨星開咗ig喇，大家快啲follow啦！