【娛場】黎海珊差啲冇份做《卡拉屋企》

「喂！夠鐘喇，睇電視，睇下今集講乜先，講乜先！」《香港新姿態》《卡拉屋企》主題曲

90年代經典處境喜劇《卡拉屋企》將會喺今晚深夜開始重播，呢套劇喺1991年首播，一共有227集，係好多人嘅童年回憶，日日都用電視汁撈飯，劇中角色白頭佬（楚原）、肥媽（盧宛茵）、泰臣表哥（吳鎮宇）、黃蒂（李婉華）、發記（鄭敬基）、肥舅父（秦煌），個個都好笑又好戲！

今次【娛場】就請嚟「失魂菲」黎海珊，同我哋回味下《卡拉屋企》嘅趣事，原來黎海珊差啲冇得做「失魂菲」呢個角色㗎！究竟邊兩個傻大姐都好適合做黃菲呢？另外，你又知唔知原來有一集《卡拉屋企》，佢哋係挑戰一Shot到尾嘅呢？當年飾演廖通泰嘅愛犬沙皮狗Popeye，原本真係吳鎮宇嘅愛犬，到而家點解又關鄭敬基事呢？想知就即刻收睇【娛場】啦！

個個拼命埋數，係真唔係真～