相隔14年！謝霆鋒同甄子丹新片打到癲

英皇電影在會展舉行的香港國際影視展舉行《2019英皇電影項目巡禮》，當中謝霆鋒和甄子丹將拍攝導演陳木勝新作《怒火》，其他演員有黃德斌、湯怡、吳浩康、林國斌、胡子彤和何佩瑜等。

已一段時間沒有拍戲的霆鋒現身宣傳，他表示一直想等一個好劇本，而且之前跟陳木勝合作多次包括《新少林寺》、《新警察故事》及《特警新人類》等。他與陳木勝於活動後受訪，陳木勝表示下月開拍將拍攝三個月，霆鋒的角色打戲連場，霆鋒說：「每次都有新挑戰，香港動作片好耐冇咁實牙實齒埋身打，我都身痕咗好耐。（驚唔驚受傷？）呢個係必然，拍動作片預咗。（有咩高難度鏡頭 ？）留畀丹爺（甄子丹）設計，都十四年冇同佢合作，上次係《龍虎門》，期待同佢打番一套。（唔使子丹留手？）我呢排操緊呀！跑得都快啲！」

問到有何大場面？陳木勝表示香港現在很難拍槍戰及爆炸戲，一來成本貴而且申請難，問會否叫老闆楊受成提高製作成本？他笑說：「老闆一定要撐！（投資幾多？）呢樣唔講住喇！」講到林超賢執導的《緊急救援》投資額達8億元，霆鋒說：「大家品種唔同，我哋唔係打仗，打交啫！」

講到近日與楊冪傳出緋聞，問跟王菲的感情是否穩定？霆笑了笑說：「感情唔答呀！」