開網店生意好！俄仔Ansheles吸金路數多

俄仔Artem Ansheles到電台宣傳新歌，他稱近日非常忙碌，因在網上開設網店，並親自設計耳飾，他開心謂：「開咗兩個星期，冇諗過反應咁好，都賣咗超過100件，6成嚟自美國市場，真係冇諗過，所以都要快啲諗新嘅設計。」

至於拍戲方面，他透露剛和徐天佑拍完一套新片，出演一個搞笑角色。不過他表示最想嘗試拍動作片和演奸角。問他是否好打得？他信心滿滿地說：「所有嘢都可以學嘅！之前有套戲要我跳踢躂舞，我學咗4日，之後拍嘅時候導演都讚我跳得好似，好OK。」他表示自己很喜歡演戲：「雖然要將中文對白逐句變英文拼音寫低，但拍戲嘅過程係好enjoy嘅。」