有6%當地血統!張敬軒自爆赴越南尋根

20190321
東網電視
更多新聞短片
大家覺得軒仔似唔似越南人?
歌手張敬軒(軒仔)代表香港出席「香港亞洲流行音樂節2019」記者會,不同地區的歌手代表都有現身。軒仔聯同日本歌手GACKT和內地歌手丁世光擔任音樂節的表演嘉賓,而韓國歌手張星銀、台灣歌手鼓鼓(呂思緯)、日本歌手Shiena Nishizawa、新加坡歌手梁任寧、還有泰國、馬來西亞及越南等代表競逐亞洲超級新星大獎,音樂節於22日晚舉行。
身為香港代表的軒仔表示會盡力演出,並會和各地歌手交流音樂文化,又透露剛才在後台見到亞洲各地歌手的精英。問到準備了甚麼歌曲作表演?他謂:「因為見今屆好多都係組合,個人歌手反而唔多。正所謂輸人唔輸陣,我會請Dancers嚟充撐場面,同唱啲『食糊歌』啦,最緊要為港爭光!」
問到可想發展香港以外的市場?他笑言:「越南呀!會去考察吓,因為我有6%嘅越南血統。(你Check過?)係呀!之前喺加拿大買咗一個測試血統的實驗套裝,只要用一啖口水就驗到,報告話我有6%越南血統,可能係我前幾代有越南血統,同埋好多廣東人都係安南人,一於去吓越南尋吓根先。」另外,軒仔更在記者會上講越南話「1至10」,現場有越南歌手,她亦讚軒仔的發音有8成準。軒仔笑稱之前在網上唱了越南版的《酷愛》,但問越南朋友聽不聽懂,他們卻說一句都聽不明。
----------------------------
東網巨星開咗ig喇,大家快啲follow啦!