Model變老闆！袁晴晴唔怕競爭開珍奶舖

藝人袁晴晴（CoCo）早前曾揚言正計劃轉型從商，早前還專程飛去台灣旅行為生意搵靈感。日前她就公布原來籌備一年多的計劃就是與弟弟和朋友合資，開設台式珍珠奶茶店。CoCo坦言明知香港市場競爭好激烈，不過為咗圓心願決定博一鋪：「其實一直都好想開自己嘅甜品店，呢幾年一直努力做model工作儲錢，咁啱呢段時間香港流行黑糖珍珠鮮奶，所以決定一試，加上我本身好鍾意飲，可以一日飲幾杯，希望有好成績啦！」

CoCo為咗增加競爭能力，開舖前做咗唔少準備功夫，除咗去學習手藝外，就連裝修睇舖都親身上陣：「其實四年前做訪問時已經講過想開自己嘅甜品店，所以好開心冇諗過真係會夢想成真，好似預言成真咁！做生意我仲係學習中，不過我覺得一定要親力親為，所以之前我哋專程飛到台灣總店學習手藝，希望可以將一個新品牌帶嚟香港茶飲市場。」