Model变老板！袁晴晴唔怕竞争开珍奶铺

艺人袁晴晴（CoCo）早前曾扬言正计划转型从商，早前还专程飞去台湾旅行为生意搵灵感。日前她就公布原来筹备一年多的计划就是与弟弟和朋友合资，开设台式珍珠奶茶店。CoCo坦言明知香港市场竞争好激烈，不过为咗圆心愿决定博一铺：“其实一直都好想开自己嘅甜品店，呢几年一直努力做model工作储钱，咁啱呢段时间香港流行黑糖珍珠鲜奶，所以决定一试，加上我本身好锺意饮，可以一日饮几杯，希望有好成绩啦！”

CoCo为咗增加竞争能力，开铺前做咗唔少准备功夫，除咗去学习手艺外，就连装修睇铺都亲身上阵：“其实四年前做访问时已经讲过想开自己嘅甜品店，所以好开心冇谂过真系会梦想成真，好似预言成真咁！做生意我仲系学习中，不过我觉得一定要亲力亲为，所以之前我哋专程飞到台湾总店学习手艺，希望可以将一个新品牌带嚟香港茶饮市场。”