譚杏藍拍黃Viu真人騷　泳衣示人男友冇所謂

【新加坡直擊】亞洲OTT串流影視平台「黃Viu煲劇平台」不眠旅遊真人騷《No Sleep No FOMO》今日首播，香港女星譚杏藍（Hana）與韓國男子組合U-KISS前成員Alexander Lee Eusebio早前於新加坡接受東網訪問，用英文會見傳媒的Hana坦言與國際陣容合作，令她興奮又緊張：「因為我英文麻麻！」Alexander用廣東話插嘴：「你謙虛呀。」Hana續說：「但我最叻Chinglish，記者會時我係第一次喺台上講英文，拍掌呀要！」

被問到ToNick主音男友趙善恆會否介意她在節目穿泳衣示人？她表示：「我跳瀑布時好驚，都冇理自己着乜，而我男友一向為我身材自豪，佢冇問題。至於底線？我係滿意自己身體，依家我即場可以全裸……講笑咋！但大家都應該愛自己身體。」

Alexander前隊友Kevin Woo早前為節目來港拍攝，但Alexander事前並不知情，所以未有跟他推介香港食玩精選，之後知道拍攝同一節目才聯絡。被問到有否掛念香港，Alexander用廣東話說：「其實我上年聖誕返過香港，食晒自己想食嘅嘢！」他又用廣東話介紹節目，說完後笑言：「嘩，我廣東話真係好！」Hana用英文插嘴：「好過我講英文！」