反擊網民再道歉　曾樂彤現身：望大家接受

歌手曾樂彤早前因被網民質疑咪嘴唱歌，事後在網上以令人聯想到粗口諧音的「#micnlm」作反擊，但後來又再甫文道歉。今日她現身活動時，談到此事，她表示為自己做錯事而感到不開心，故在網上公開道歉：「最初我係將當下情緒發洩出嚟，以前未做幕前，當下覺得點就會講出嚟，但依家做藝人，原來唔可以，今次犯咗一次錯，早啲跌早啲起番身，希望大家可以原諒我。」

對於男友游學修公開撐她，她避而不談：「我唔回應，我為自己嘅錯而道歉。家人同公司都好支持我任何決定，我同大家講聲對唔住，希望大家接受，因為真心覺得自己今次係做錯咗。（經過今次之後成熟咗？）人生係有起起跌跌，發生過啲事之後你先知道下次會點做，我當今次係成長咗，我又唔敢講我以後係個成熟嘅人，成熟都有好多唔同定義，我係成長咗，知道你做啲咁嘅行為，下次會唔會有啲更好嘅選擇呢。」

今日她會在活動上獻唱，問到會否擔心再被指咪嘴？她坦言：「今日都係真唱，當日好多嘢都預計唔到，其實之後都會做番自己應該做嘅嘢，唱歌就好好唱好隻歌。」工作方面，她透露將推出新歌，希望大家支持。