藝人苟芸慧現身中環，出席代言投資產品3周年派對。她透露稍後用私己錢請老公去馬爾代夫旅行，由於想早日成行，故要努力工作儲錢「搵多啲」，並希望屆時會叫老公幫手影泳裝照。談到接下來工作，她說：「會返內地拍網劇，十二集戲拍個多月，因為喺歌舞片，我要跳Jazz Funk，用咗兩、三個月練舞，依家會練S身形。（性感演出？）角色唔會好性感。（老公唔想？）我覺得佢鍾意性感嘅我，好多時幫我揀衫。（佢唔介意你同其他男拍檔拍親熱戲？）佢大方嘅，好多嘢由我決定，但拍親熱戲要早啲話佢知，或者佢會嚟監場。」

提到投資心得，她說：「呢兩年係搵到啲錢嘅，會攞嚟投資，不過咁多年我都只係買樓，其他嘢唔識。（香港置業？）未，加拿大就有。（老公好多物業？）要問番佢。」