【相隔23年】張智霖陳松伶合照爆集體回憶

無綫當年嘅經典劇集《天地男兒》喺1996年播出，雖然已經係上個世紀嘅產物，但係每次重播都會有好多捧場客，唔少角色都令觀眾好懷念，好似張智霖飾演嘅「羅子健」同陳松伶嘅「方巧蓉」就係其中之一，呢日張智霖喺Facebook甫咗張相，就係佢同陳松伶嘅合照，仲寫明「天地男兒 方巧蓉」，唔少網民都話啲記憶返晒嚟，仲大讚雖然相隔咗23年，但係佢哋個樣都冇乜點變過，真係保養得宜！仲有網民問張智霖，究竟劇入面嘅羅子健最愛到底係方巧蓉，定係由宣萱飾演嘅張雪凝？