已經唔認得佢個樣!Cammi甩富貴男友仲富貴
嫩模出身嘅謝芷蕙(Cammi)自從結識有米內地男友後全面大改造,先講個樣,真係比「驚奇隊長」更加驚奇!不斷變臉,完全搣甩「女版NelNel」個朵外,最巴閉係自稱同男友已經分手嘅佢,一樣咁富貴!

本月十八日係Cammi嘅24歲生日,佢同幾個好姐妹喺酒店豪搞生日P,個個唔係騷長腿就係晒事業線,身為主人家嘅Cammi直情好似登基咁,Deep V晚裝再配皇冠外,網晒一班朋友送嘅禮物包括手袋、手錶等,不過全程唔見有異性出現,佢留言:「24歲生日收到 Arissa 24份生日禮物,被你寵成小公主了,感覺不需要男朋友啦 !」

原來Cammi話已經同內地男友分手,今年係單身身份過生日,分手原因係性格不合,仲話自己一直好多追求者,但暫時唔想拍拖住。雖然Cammi冇咗個有米男友,但完全冇影響佢生活質素,尋日仲去咗法國阿爾卑斯山打卡,天寒地凍周地雪,影相時佢仲除咗件褸晒bra top。