真的大肚了?蕭正楠否認翠如佗B兩個月

2019年03月24日 12:47
東網電視
更多新聞短片
係爆嘅!!!

剛剛慶祝42歲生日的藝人蕭正楠即傳來喜訊,有指他快將做爸爸!去年《萬千星輝頒獎禮》他自爆與黃翠如已結婚,婚後僅一年,即傳出翠如已懷有兩個月身孕,預計可以趕得及做年尾生個豬BB。有指已開始見肚的翠如,近日仍照舊開工拍新劇《致所有愛過的人》,劇中她飾演孕婦,周時要裝假狗佗「巨肚」,可謂巧合到極,故不是太多人知她真的有孕,反而蕭正楠心情仲興奮過翠如,有傳佢近日已向身邊友人透露家有喜事。

不過蕭正楠向東網否認翠如佗B消息,更加上三個哭笑不得嘅Emoji:「不是啦😂😂😂!多謝關心!」翠如亦向東網否認大肚。而作為「小三」、二人的共同好友曹永廉亦搞笑表示係流料:「真係流㗎!呢單Case我跟足晒,有啲咩我一定知,以我知嘅就真係流嘅,除非連我都唔知咁就冇計喇…」