【緊身褲+赤膊】何廣沛終於晒肌!

20190324
東網電視
更多新聞短片
大家收貨未?
藝人何廣沛早前與龔嘉欣去咗美國夏威夷拍《3日2夜》,尋日節目播出新一集,龔嘉欣事先喺社交網晒出一件頭泳衣相谷收視,而何廣沛就晒貼身鯊魚衣,相中隱約見到其下體微凸…不過,網友都似乎唔多收貨,紛紛問說好的晒肌呢?
為咗安撫民情,何廣沛之後再補晒一張自己赤膊嘅相,仲發文:「29+1遇著(着)3日2夜 唔想平平淡淡咁拍一個旅遊節目俾(畀)大家睇,所以作出呢個突破性既(嘅)決定 俾(畀)大家可以睇到自己都有呢一面既(嘅)可能性?呢個決定,並唔係任何製作團隊想我做既(嘅)一個決定,而係自己一個任性既(嘅)突發奇想,只有短短兩個月,話長唔長,話短唔短,但要同時兼顧拍劇既(嘅)情況下,我呢副30年黎都無乜點操過既(嘅)body,真係要求神拜佛先得!」
何廣沛為咗呢短短一幕而特登健身操肌,果然誠意十足!難怪緋聞女友朱晨麗早前受訪時亦大讚佢勤力:「之前見佢為咗操弗唔食嘢,淨係食蛋白質,睇見都辛苦!」
----------------------------
東網巨星開咗ig喇,大家快啲follow啦!