恨睇黃智雯行性感　馬國明艷福無邊一拖二

藝人馬國明、黃智雯（Mandy）、劉佩玥（Moon）及陳瀅在石硤尾拍電視劇《降魔的2.0》外景，馬國明自爆今次一拖二拍拖：「雖然係兩個人拍拖，但係三個人gathering，係個好特別嘅場口。因為會講Moon上咗Mandy身，同我玩一日。」Mandy指馬國明在戲中好艷福，除了正印女友Mandy及暗戀他的Moon之外，還有新加入的譚凱琪。

Mandy在劇中飾演醫生，開心透露今輯會獲得一種能力，如願加入降魔行列：「上一輯見佢哋降魔，覺得好有型。」馬國明說若再有新一輯，建議Mandy可以性感上陣降魔，她即時大潑冷水說：「你諗多咗！」不過，馬國明大爆稍後有場戲是講述譚凱琪與Mandy齊以性感打扮現身：「我都好想知係點性感法！」Mandy表示該場面只是馬國明在劇中的幻想情節，馬國明聞言反譏：「咁你唔會着件樽領衫出現囉！」Mandy笑言：「着醫生袍都可以好性感。」馬國明即搞笑回應：「咁除非入面乜都唔着啦！」

寧單身唔要胡鴻鈞

至於Moon直言這場戲對其角色很重要，故前一晚緊張至失眠，她在戲中一直暗戀馬國明，問到會否想監製安排另一半給她？她反應甚大地說：「我怕又安排胡鴻鈞畀我，因為之前拍咗幾套劇都係做一對，幸福唔可以勉強，有時自己一個人仲開心。」更笑謂下次可和胡鴻鈞飾演母子。

另外，陳瀅為劇集客串扮演女鬼，開心可以跟好姊妹Moon合作。她透露稍後會到緬甸探訪孤兒，正考慮捐甚麼物資給當地小朋友。