【自彈自唱】鄭融學琴準備Busking

歌手鄭融現身電台繼續宣傳新歌《13樓的大笨象》，她透露希望盡快多推出一首情歌：「同Wyman（黃偉文）傾偈講到有啲留言都幾有趣，佢就有個Idea想做，我就想快啲同公司開會造首新歌做承接，今年會係情歌年。」

鄭融過去一個月密密宣傳新歌，她興奮謂今次宣傳充滿新鮮感，又感謝同事們的投入及付出：「我哋有送杯、玩Busking、同Fans玩遊戲數MV入面有幾多隻大笨象，答啱就送Cupcake，有甜甜蜜蜜嘅意思，好有創意！（下次開騷會否想以Busking形式？）我對唔同形式嘅表演都抱開放態度，之前都試過開Facebook Live，好有娛樂性，同Busking一樣咁有挑戰，One-man Band嘅過程好忙。」問到下次Busking會挑戰甚麼？她透露正在學琴中：「學番自己啲歌，想下個月玩多次Busking可以自彈自唱。」