隔9年再公演 彭秀慧睇Playback:好嬲自己

2019年03月26日 13:18
東網電視
更多新聞短片
彭秀慧之後會專心做番電影。

導演彭秀慧到電台宣傳舞台劇《月球下的人》,表示今次是第三度重演,對上一次是9年前,而今次會比之前有調整,會精簡些,亦謂之前睇番上次的DVD,很嬲自己:「覺得9年前好幼嫩,有機會再做一次會好啲,好彩有機會再做。」她亦謂今次都會拍DVD自己睇,但應該未必有機會發行,因為劇內有很多歌曲,而歌曲的版權費很貴。

問到今次可會把舞台劇又拍成電影?她說:「其實呢個係我第一個故事覺得可以拍成電影,因為佢嘅故事、場景都比《29+1》豐富,但呢個係9年前嘅諗法,都冇諗過自己會做電影。」那問到她可會拍其他人寫的劇本?她就自認麻煩:「因為我年紀大先轉行,我係想開一個project先全力衝入去,好鍾意先會去做,但唔易遇到咁嘅劇本,最理想係自己創作,我唔係享受拍戲,而係想將感想呈現出嚟,當然拍戲嘅滿足感係好大。」

問到之後可還會做舞台劇?她就謂短時間內不會再做獨腳戲:「因為想專心做電影,嗰條係未知嘅路。」她又謂此舞台劇下周五就上演,現時還有很多事要做。問到可會有時間去金像獎?她表示:「決定咗嗰日會開日場,所以夜晚可以出席,成為呢行嘅一份子,都想可以參與多啲,好似金像獎條片我都有份創作。」