獲提名最佳新演員　胡定欣入圍當攞獎

藝人胡定欣今日現身電台接受薛家燕訪問，定欣稱跟兩人曾於2008年在劇集《銀樓金粉》合作，對方一直很支持她，當得知她獲提名金像獎最佳新演員，很替她開心。定欣表示距離被提名已一段時間，開心的心情已平復，會以平常心看待，現時很期待出席頒獎典禮：「因為係第一次參加，以往都只係去過無綫嘅頒獎典禮。我第一次拍電影就有提名，對我嚟講已經係大豐收。」

不過，定欣透露正為挑選當晚的戰衣而苦惱：「因為我要求高，我知道同片嘅其他男演員已經準備好服裝，每到呢個時候，我就好想自己係男仔，不過我都可以着西裝，如果真係揀唔到，我都有最後一着，就係着西裝。」定欣表示日前遞交投票表格，她有投自己一票，笑言感覺很得意：「因為之前公司嘅頒獎典禮，公司員工係唔可以投票，今次就可以投番畀自己。（你有冇拉票？）唔使我拉票，好多人話支持我。其實我可以入圍就已經當係拎咗獎。（對手好強勁？）我冇諗。我會好好珍惜呢個機會，入行十幾年後又做番新人。（有冇電影接洽中？）都希望遇到，想畀多啲電影心去認識我先。」