阿佘上《奔跑吧》泥漿激戰　豁出去玩到癲

藝人佘詩曼（阿佘）、吳謹言、聶遠、張嘉倪等日前以劇集《延禧攻略》代表身份，參與內地真人騷節目《奔跑吧3》，與一眾主持楊穎（Angelababy）、李晨、宋雨琦等打成一片，鑑於《延》劇人氣仍然旺盛，引來影城工作人員等數百人圍觀，場面熱鬧！

一眾演員玩得相當投入，當中一場需要謹言及阿佘於泥漿上追逐及玩遊戲，二人均玩到成身泥濘，即使休息及等埋位也乖乖等待，毫無半點架子，阿佘事後表示：「着住遊戲衫玩泥漿奔跑，包到實都幾方便，只係需要補妝，唔使整理衣服。諗番當時拍《延》劇時，每場戲除咗補妝，都要花好多時間去整理衣服，今次玩得開心，拍得過癮。」