孫女出嫁！利孝和夫人紅噹噹sharp醒現身

現年93歲、前電視廣播有限公司非執行董事利孝和夫人利陸雁群，去年傳出身體不適消息，及後佢出席活動闢謠，而佢嘅囡囡利蘊珍都不時上載與媽媽嘅合照至社交網。昨日利孝和夫人嘅混血孫女Emily Ingram與外籍男友Mark拉埋天窗，利蘊珍甫出多張婚宴靚相。

當中見一對新人雖然有外籍血統，但就反而選擇大搞中式婚禮。其中Emily着上裙褂佩戴金器，而Mark亦以中式禮服上陣，二人仲跪低向利孝和夫人斟茶，傳統儀式做到足！至於以紅色禮服現身嘅利孝和夫人，亦精神翼翼，非常sharp醒。