东网电视
更多新闻短片
郑中基出席港大分享会，讲到陈奕迅因觉得不被尊重而请学生离场，佢就觉得唔系咁好！
1/7
艺人郑中基（Ronald）出席香港大学的分享会，由于其《美女厨房》主持的形象深入民心，所以大会更安排了三间学生饭堂的食物让他试食。
“依家呢个年代”
讲到日前陈奕迅（Eason）到公开大学分享，但有学生因挂住玩手机而激怒他，问Ronald若遇到同样情况会如何处理？他笑言：“我咪玩埋一份，我叫助手畀部手机我一齐玩，冇乜嘢呀！（Eason叫玩手机学生离场。）叫人出去又唔好，咁万一人哋真系有乜急事呢？我咪叫佢攞部手机嚟睇吓，有开心事大家share。（会唔会觉得学生玩手机系唔尊重？）依家呢个年代，我唔会觉得，我唔信佢（Eason）开会唔会loop个手机，你自己都会啦，人哋都唔会叫你出去。但如果喺十几年前，攞部牛龟咁大嘅电话出嚟讲，咁就系好唔尊重同搞事，但依家唔会，我觉得ok，冇问题。而且今日都冇人咁做，可能因为天气热，再讲电话，部手机就爆。”
靠样追掂老婆？
Ronald表示今次的主题是幽默感：“讲吓有幽默感会唔会方便啲追女仔？做嘢又会唔会好啲。同埋幽默感系天生定可以学。（你系因为幽默感而追到太太余思敏？）唔系。（因为靓仔？）一定系靓仔，冇其他原因。（觉得自己系咪有幽默感嘅人？）佢哋觉得我好笑，但我唔系特别去学，系天生。其实好笑有两种，一系适当时候讲啲嘢令人觉得好笑，一系讲烂gag，都可以好受欢迎，只系想大家开心。（要正面？）要正面，有啲人觉得好笑，但系讲啲贱嘢，人生攻击，咁就唔得。”
储肥拍《龙咁威3》
另外，讲到工作方面，Ronald透露刚拍完电影《遗爱》，五月便开始巡回演唱会，九月就拍摄《龙咁威3》。之前太太指正努力钻研厨艺，因被老公投诉，Ronald澄清：“我唔系投诉，但佢积极咗好多，真系好好食，尤其姜葱蚝同三杯鸡，佢想谷肥我，因为《龙咁威3》要增肥十几磅，讲我去同志邪骨店放蛇。”
佢话呢个年代，都唔会觉得学生玩手机系唔尊重。
而佢今日喺分享会上，《美女厨房》主持上身玩试食！
佢笑言叫助手畀部手机佢一齐玩。
心情咁好，睇嚟冇发生不愉快事件喇！
或者叫学生攞部手机嚟睇吓，有开心事大家share。
陈奕迅
