首次有感情線 「沙煲妹」感激監製信任

20190330
東網電視
更多新聞短片
因為監製都唔知你得唔得。
劇集《福爾摩師奶》中的「沙煲妹」表現搶鏡,其實她的名字叫吳珮如,於加拿大第一學府多倫多大學經濟學畢業,但決定發展演藝事業,回流香港入讀第27期藝員訓練班並加入TVB,除了拍劇外,亦曾被安排成為六合彩主持,早前她在《降魔的》中飾演禁錮黃智雯入魔的護士,當時引起不少人注意,未知大家是否記得?
跟不少藝訓班出身的藝員一樣,吳珮如演過很多跑龍套角色,但她依然專業面對每次演出,特別感謝《降》劇及《福》劇監製方駿釗,安排有戲演的角色給她:「未入行之前聽到藝人成日多謝監製,我當時唔明白,依家我知道原來監製信任你,畀一個有戲份嘅角色你去演繹,一定要感恩!佢哋未必知道我哋可唔可以勝任,都係冒緊險。今次劇集,我哋香廬個廠景拍咗超過一個月,成班演員日對夜對,一齊食飯一齊對劇本,好開心!因為套劇係香港開埠初期,唔會有新潮嘅零食,所以我哋成日坐埋一齊食花生。」她大讚前輩陳松伶及陳煒非常親切,演她父親的冼灝英教她功夫,演男朋友的譚永浩又幫她入戲。
她又表示《降》劇及《福》劇都分別獻出第一次,希望之後會有更多有發揮的角色:「上次我試第一次吊威吔、化爛面妝、劇中殺人,今次就第一次有感情線,玩心口碎大石同舞獅舞櫻槍,好開心有呢段回憶,我知我仲有好多可以改進嘅地方,我會繼續努力!」