成年冇蒲頭!鍾嘉欣弗爆返港出騷獻聲

2019年03月30日 16:56
東網電視
更多新聞短片
鍾嘉欣已經有成年冇喺香港出席活動喇!

藝人鍾嘉欣今日出席商場活動,跟粉絲玩遊戲及唱歌。她透露已相隔1年未有在港出席公開活動,今次一家四口返港會逗留約3星期:「我同囝囝返嚟先,稍後老公會同囡囡一齊返嚟。囝囝依家7個月大,佢第一次出省搭飛機,好乖瞓足九個鐘,又電吓空姐,個個都走過嚟搣佢臉珠。而我剛剛拍完自己個MV,同囝囝一上機就攰到暈咗。」

下月出新歌

她表示下月會推出新歌,歌曲由自己作曲作詞,並首次擔任監製:「真係比想像中難,要兼顧好多嘢,而且屋企又有兩隻樹熊夾住,所以要等佢哋瞓咗先可以工作,真係有啲攰。」嘉欣坦言新歌對她來說是人生最重要的歌,因為是寫給囡囡。問她會否為老公及囝囝寫歌?她笑言:「睇吓佢哋乖唔乖先。其實我都作咗好多首歌,依家拍劇比較難,因為工作時間長,但做音樂就比較容易控制時間,而且我都好喜歡創作。」

問到一對子女有否爭寵時,嘉欣表示兩人非常相親相愛:「家姐會爭住抱細佬,佢哋愛對方仲多過愛我。」她又感恩雖然離港很久,但粉絲並沒有忘記她,笑言真的是小別勝新婚。