阮民安冇諗過唔要細仔：我會努力搵錢

組合E-Kids成員阮民安（Tommy）太太Eva在網上甫細仔照片，以及發文講述生產過程，Tommy接受東網電話訪問時，被問到養兩名小朋友，經濟上可感壓力？他說：「好多人都問我呢個問題，其實我自2012年開始已開始轉營，放下全職藝人嘅工作，發展幕後，七年來分別喺內地、台灣及日本有網上生意，且近年已發展到做品牌、藝人及商場嘅活動，努力搵錢去維持自己嘅幸福家庭。」他又透露太太曾跟他說「細仔也會幫他」：「意思唔係話細仔會幫我搵錢，而係佢會令我去諗，點樣去開發新事業，所以我一直以嚟，一秒都冇諗過唔要呢個BB。」

問到大仔和細仔可否融洽相處？他指兩兄弟未尚見面，因為細仔出現尿量過少，現要留院觀察及要抽血，但早已教導大仔將會有小弟弟，在太太懷孕時，常叫大仔和媽媽肚中的小弟弟交談及親吻，到細仔出院回家時，會代弟弟送份禮物給哥哥。