宣布開拍《G風暴》！古天樂孤身作戰呻辛苦

電影《P風暴》將於4月4日上映，今晚假銅鑼灣舉行首映，一眾演員包括古天樂（古仔）、林家棟、林峯、鄭嘉穎、周秀娜、譚耀文等均有現身，而在首映禮上，老闆兼監製黃百鳴更即場宣布將會開拍《G風暴》，預計八月開工。

埋身肉搏鬥智鬥力

對於電影公司乘勢追擊開拍《G風暴》，古仔不諱言表示有聽聞，但不清楚詳情，因為故事內容等一切保密。而於《P風暴》片中，家棟與林峯合力對付古仔，眾人亦不乏埋身肉搏戲份，家棟對此笑說：「古仔都食晒我哋啲拳腳㗎！」古仔亦坦言今次乃整個電影系列中，拍攝最辛苦的一次，因要孤身作戰，他一人應付兩幫人。

林家棟想做「大體老師」

談到二人拍攝時的奇怪習慣，古仔自誇雖未有腸胃不適及水土不服問題，但平日開工習慣不進食：「就算開24個鐘同30個鐘都一樣，呢啲都經常發生，有時放工後都會食番兩、三餐，所以個胃都細咗！」

家棟則表示害怕到陌生廁所如廁，所以惟有減少進食分量，被取笑二人儼如有特異功能，家棟即忽發奇想說：「其實我都諗緊做『大體老師』，做得呢行又捱得又頂得順，人死後都灰飛煙滅啦！（畀人睇晒全相，唔驚畀人非禮？）都要我有Feel先得，咁解剖時你唔畀我企番起身同佢Selfie咩！」

獄中兩大惡勢力

反貪風暴系列電影由《Z風暴》、《S風暴》到去年的《L風暴》一直都大收旺場，去年的《L風暴》票房氣勢如虹，在香港收一千六百萬票房，內地票房更高達四億四千萬人民幣。今次《P風暴》以監獄為背景，講述古天樂飾演的ICAC高級調查主任陸志廉，為了查案不惜犯事入獄，在獄中面對兩大惡勢力，包括橫行無忌的地產集團富二代林峯、以及在第一集被他拘捕入獄的林家棟，除了爆發連場動作場面，更可看到一班型男在獄中鬥智鬥力！

----------------------------

東網巨星開咗ig喇，大家快啲follow啦！

https://bit.ly/2JjSVcr