新劇內地點擊勁！惠英紅：觀眾愈憎我愈開心
20190401
東網電視
更多新聞短片
惠英紅話叫晒親友齊齊睇劇集《鐵探》！
影后惠英紅出席有份主演之劇集《鐵探》的首集飯局，她透露內地平台比香港早個半小時播出，知道該劇在內地的點擊率非常強勁：「開頭10分鐘已經有三百幾萬人次。（對成績滿唔滿意？）睇埋落去先，依家唔知滿唔滿意，好緊張。內地收視我唔擔心，因為內地我都經常拍劇，反而緊張香港收視，我好耐冇喺香港拍劇，唔知香港市場點，唔知香港觀眾仲接唔接受我。（有冇叫晒親友捧場？ ）我細佬今日特登請假去睇，有啲朋友趕唔切睇，都有問我myTV Super計唔計點擊率，我話會計。」
有好劇本會再拍
惠英紅坦言最近出街，很多途人對她的反應也很熱烈，她認為可能因最近不停播出劇集的宣傳片，令家庭觀眾重拾對她的回憶。她稱其角色做事作風不擇手段，問到會否擔心觀眾憎她？她笑言：「我冇所謂，愈憎我愈開心。（會唔會再拍港劇？）有好劇本會拍，其實我冇話唔拍。」她指之後會忙宣傳及搵真銀，下月就會返內地拍網劇。
----------------------------
東網巨星開咗ig喇，大家快啲follow啦！