向影后偷師　蔡思貝預告三點式晒女人味

蔡思貝出席劇集《鐵探》的首集飯局，對於該劇在內地播放平台的點擊率首10分鐘已衝破300萬，思貝感到開心及鼓舞：「一般劇集都係頭一星期後有少少noise（迴響），先吸引到人睇，但我哋一開始就有呢個數字，係一枝強心針。我哋台前幕後都好期待播出，有呢個數字令我哋更有信心。內地平台播嘅時候，好多觀眾即時發表意見，好多都係正面，我出場時都有讚我幾靚，我個造型就幾集會特別啲，之後就會變得平傭，如果大家想睇我sharp醒啲嘅造型，就記得要睇頭幾集。」

而影后惠英紅是劇中主角之一，思貝坦言遺憾跟對方的對手戲很少：「但幸運嘅係可以同佢同劇，我會睇佢點樣運用對白，會喺側邊望到實，因為呢個機會唔係人人有。」問對收視期望？思貝稱沒有想過：「當然希望能過三十點。（如果過三十點會以三點式示人？）大家都睇過啦！不過依家係女人味多咗。如果收視好，你哋有乜要求我都會做。」