「泰」解放！陳嘉茵濕身送心心

歌手陳嘉茵（Kayan）形象向來陽光健康，佢不時都着上背心短褲，非常養眼。近日佢去到泰國蘇梅島旅行，嚟到呢啲熱帶地方，佢當然繼續以短打上陣，大晒長腿加纖腰！連日嚟佢都甫出唔少惹火旅行相，佢更甫出水着相，實行大派福利。佢先坐喺岸邊，着上薄紗外套背向鏡頭，若隱若現騷玉背，之後再除去外套，露出黑色泳衣並側身騷body，最後仲落埋水大玩濕身誘惑，佢更擺出心心手勢配埋「心心眼」表情，真係冧到爆！