【型到裂】馬德鐘仔仔澳洲做衝浪救援員

要講最型仔嘅星二代，即時就會諗起佢！佢就係藝人馬德鐘仔仔馬在驤，佢喺澳洲讀緊書，外形比老竇更煞食！最近佢做咗澳洲悉尼著名景點邦迪海灘（Bondi Beach）嘅衝浪救援員，企喺老外身邊嘅在驤一啲都唔輸蝕，身形Fit到漏油，難怪爸爸馬德鐘忍唔住Post仔仔嘅相，自豪咁話：「恭喜小在哥成為Bondi Beach 衝浪救援員！成為真正的男人是能夠拯救別人之餘，同時要懂得保護自己！ ​​​​」

要成為Bondi Beach 衝浪救援員其實一啲都唔容易，之前澳洲電視台就拍攝咗一個真人騷節目，而香港明珠台都有播出，節目叫《六嚿腹肌拯救隊》，入面就係紀錄Bondi Beach救生員一日繁忙而又危險嘅工作，不過相信絕對難唔到馬在驤，因為佢曾經喺泳賽中奪得多項獎牌，更曾代表香港法國國際學校喺澳洲悉尼勇奪8個個人金牌及全場總冠軍，非常犀利！