又喊又笑！陳鈺芸獲荷里活導演求婚成功

轉戰外地發展的武打女星陳鈺芸（JuJu）剛接受拍拖年多的荷里活導演、保良局前總理兼英輝船廠後人司徒永華（Antony）求婚，JuJu正身在海外拍攝電視劇，Antony飛往當地驚喜求婚，令JuJu甜喊又感動！

JuJu表示：「我拍完戲收工返屋企，一開門見到佢已經嚇咗一跳，跟住見到地下鋪滿玫瑰花瓣，佢用部手機喺度影我，又叫我跟住啲花瓣去尋寶。行到出露台就見到個求婚蛋糕，好多玫瑰花，同埋喺一朵玫瑰花中間有隻鑽石戒指。跟住佢手執戒指，跪喺度叫我嫁畀佢。當時我好感動，但係又好想笑！因為第一次見佢咁緊張！我問佢做乜買個蛋糕畀我？佢話因為我為食，重要日子一定要有個好食嘅蛋糕畀我。我又喊又笑咁講『YES』！」

她透露當晚Antony還親自下廚煮了Coq au Vin（法式紅酒燉雞），為二人剛拍拖時Antony第一次煮給她的菜色。晚飯過後，JuJu拍攝美劇《五行刺客》（Wu Assassins）的同劇演員一起到了她家開香檳慶祝，非常高興。