【IG露馅蜜游杜拜】周冬雨传同英语老师拍拖

2019年04月05日 07:23
东网电视
更多新闻短片
都几衬呀!

金马影后内地女星周冬雨入行9年,曾经同几个合作过嘅男星传出绯闻,当中包括余文乐、林更新等,近日再传出周冬雨有新恋情,而呢一位男士咁啱都系同佢有合作关系,不过就唔系男演员,而系佢嘅私人英语老师!

呢位年轻嘅英语老师同周冬雨都合作咗一段时间,上年10月周冬雨趁有空档就嚟咗香港玩船P,英语老师嘅IG甫咗张同个女仔喺船上玩紧嘅相,不过张相就cut咗个头冇样,睇番周冬雨嘅IG,就会见到佢当日着嘅衫系同英语老师所甫嘅女仔打扮一模一样。

而去到今年大年初一,英语老师甫咗张同周冬雨喺屋企食饭嘅相,不过其他人全部遮晒样,有指遮咗样嘅人其实就系双方嘅亲人,暗示佢哋已经去到见家长嘅地步。而早两日英语老师好大方咁甫出同周冬雨去咗杜拜玩嘅清晰合照,之后佢再喺动态时报甫咗张揽住个女仔嘅相,仲用灵魂伴侣嚟形容对方,虽然个女仔个样畀公仔遮咗,但系从纤细嘅身形推断,同周冬雨都有九成相似,而英语老师留言表示“One for the books(意想不到的事)”,有网民猜测佢哋开始转高调似乎系想公开恋情。