《殭屍》班底重聚！張文慈張慧儀歎日本菜

藝人張文慈、張慧儀和吳廷燁相約飯局，立即勾起大家唔少回憶。當年三人合作亞視經典電視劇《我和殭屍有個約會II》，2000年首播創收視新高，至今令唔少劇迷津津樂道。

張文慈將飯局相片上載到社交網，見到劇中飾演「堂本靜」嘅吳廷燁、馬小玲的姑姑「馬叮噹」張慧儀和「金未來」張文慈吃日本菜，枱面仲有好多酒精飲品，吳廷燁仲臉紅紅，睇嚟玩得好盡興，張文慈留言「二十年好友相聚！我和殭屍有個約會班底，人生有幾多個二十年！今晚要盡興。」不過唔少網民都問點解何唔見飾演「況天祐」嘅尹天照，同埋飾演驅魔師女主角「馬小玲」萬綺雯，仲話好希望可以睇到佢哋合作。