彭秀慧演舞台劇換錯衫 差啲同服裝師鬧交

2019年04月06日 07:50
東網電視
更多新聞短片
咁多人嚟撐場,足以證明好睇。

舞台劇演員兼導演彭秀慧在葵青劇院主演獨腳戲《月球下的人》首場,獲藝人湯怡撐場,彭秀慧表示今次是第三度公演,每次都很享受做獨腳戲,因可盡情享受舞台,今次演出九場:「另一個作品《29+1》有六萬幾人睇過,但呢套暫時得八千人睇過,想畀多啲人欣賞我嘅心血。(拍成電影?)未諗,做好舞台劇先。」

雖然舞台劇經驗豐富,但彭秀慧表示這晚都有緊張時刻:「有換錯衫呀!On Show中間同個服裝鬧交咁滯,佢話唔使換,我記得係要,結果遲咗幾秒出場,呢套戲係全場冇停過,係辛苦,咁頭場順利完成,相信之後都會Good Show!」她表示楊詩敏(蝦頭)有看過九年前的版本,大讚今次更好睇:「好開心佢有留意,亦代表我呢個劇有成長。」彭秀慧又表示完成此劇後今年將會專心籌備執導下套電影。

彭秀慧搵湯怡合作演舞台劇有陰謀

湯怡表示舞台劇相當催淚,令她感動到喊,而且當中帶出很多訊息:「有人會覺得自己好失敗,但只要肯勇敢面對,會變得更強,人一定有開心同唔開心,有啲人只係記住唔開心,入面有一句『應記則記』,應該記多啲開心,我本身都係咁。」湯怡直言有興趣做舞台劇,希望這兩年可以參與,彭秀慧亦表示想跟湯怡合作,笑言可拉低其「青春線」。