硬撼《鐵探》!ViuTV改時間播鄧萃雯新劇

2019年04月06日 21:27
東網電視
更多新聞短片
ViuTV將在黃金時段播出鄧萃雯(左圖)新劇,硬撼惠英紅主演的無綫劇《鐵探》。

鄭少秋、鄧萃雯(雯女)、陶大宇、陳錦鴻、陳秀雯等一眾重量級演員,之前幫ViuTV拍了兩齣新劇,分別是由秋官、大宇孭飛的《詭探前傳》,而雯女就夥拍陳錦鴻主演《婚內情》。ViuTV以往在晚上十一時半才播自家製劇集,據聞今次計劃將這兩套重頭劇改在黃金時段九時半及十時播出,擺明力撼惠英紅、袁偉豪主演的無綫熱播劇《鐵探》,以及緊接推出由張振朗、黃心穎、龔嘉欣演出的《堅離地愛堅離地》,而ViuTV下星期將會舉行記者會公布詳情。

為《婚》劇孭飛的雯女接受東網訪問時,表示對劇集成為劇集新時段頭炮感高興,她說:「相信係ViuTV睇重呢部戲有話題性、有睇頭,但同時都要冒險,因為好多固定睇電視嘅觀眾,仲未適應同未知ViuTV都有自家製劇集,都需要時間去適應同接受,我嘅心意係想拍套純港劇,香港觀眾都好耐冇睇我拍,所以自己都幾期待,始終香港劇係有代表性,唔可以用合拍劇取代,不過時代唔同,係需要創新同進步,希望今日香港製作嘅劇,仲可以吸引當今世代嘅觀眾啦!」

----------------------------
東網巨星開咗ig喇,大家快啲follow啦!
https://bit.ly/2JjSVcr