冇底線！陳果叫曾美慧孜拍情慾戲咪去盡

導演陳果執導的電影《三夫》於今屆金像獎獲得「最佳電影」、「最佳導演」、「最佳女主角」和「最佳新演員」四個獎項提名，日前他接受東網專訪，談到得獎信心多大？他表示對女主角曾美慧孜（小美）衝擊影后有信心：「因為戲入面佢忘我演出，演出幅度亦都好大，難度感高，希望觀眾揀佢啦！（對自己攞導演獎信心？）如果自己可以拎就錦上添花，人哋攞就戥人高興，因為今次有兩個新導演，陳小娟同陳詠燊，而林超賢同莊文強係舊啲嘅。」

談到小美於片中赤裸上陣，再加上角色難度高，陳果坦言角色非對方莫屬，皆因除了增肥外還要應付大量情慾場口，大讚對方對底線沒要求：「我反而叫佢唔好去到咁盡，其實今次冇佢忘我演出唔成事，演員力量好強，冇偶像包袱。（戲中有魚、鱔同小美性交？）其實鱔之後仲有嘢，不過剪咗！有場戲係男主角抱住BB同小美性交。（怕影響BB心智？）劇情咁交代會令個家庭完整啲。（續集？）都未必冇，搵到新元素可能有第4部曲。」