李美慧曾文豪開船P　同陳爽鬥「胸」湧

前港姐李美慧（Vivi）日前見天氣咁熱，孖老公曾文豪帶埋囡囡「小糖心」，相約一班姊妹開船P，當中包括陳爽一家、陳佩思及梁麗瑩等人。Vivi產後明顯身材升Cup，見佢着上一件頭Deep V泳衣，簡直「胸」湧而出！當日佢喺遊艇上陪老公傾偈暢飲，去到沙灘就抱住囡囡玩水，真係賢妻良母！

而擁有fit爆身材嘅陳爽則穿上長袖一作頭泳衣，大騷白滑長腿，同樣勁吸睛！佢上到沙灘陪一對仔女玩，但仍不忘做足防曬措施，戴上太陽帽同墨鏡，並喺社交網留言：「連續兩天去海邊，孩子樂壞了，我......就黑了。」