減4磅演臥底！溫碧霞同關智斌大玩姊弟戀
20190409
東網電視
更多新聞短片
溫碧霞同關智斌會有唔少色慾場面！
藝人溫碧霞（Irene）出席英皇電影《墮落花》開鏡儀式，身為女主角的她表示今次飾演臥底：「但後尾都有不良嗜好，所以會有幻覺，同埋我都特登減咗4磅，呢個角色都幾有挑戰性。」講到戲中與關智斌（Kenny）會有色慾場面，她透露有幾場大膽場面：「呢部戲都幾多，有幾場戲係因為隊咗嘢，所以做咗幾多傻事自己都唔知。（尺度去到邊？）依家未拍未知，但睇劇本都幾激，最主要係劇情需要，做演員係要放開自己。」
問到拍親熱場面可用跟老公備案？她笑言：「唔使啦，咁大個人，難得有咁好嘅機會，我會做好自己。」問到可滿意Kenny這個「小鮮肉」？她表示：「其實我同佢會有姊弟戀，因為佢係收養番嚟嘅細佬，佢好細個已對我有份感情，我對佢就有奇妙嘅感覺，大家對大家有感覺。」她又開心香港多番不同題材的電影，亦表示這個題材很好，故電影給自己很大發揮空間。
----------------------------
東網巨星開咗ig喇，大家快啲follow啦！