連場床戰 關智斌唔介意學朝偉「露蛋」

2019年04月09日 15:30
東網電視
更多新聞短片
關智斌今次擔正做男主角。

藝人關智斌(Kenny)出席英皇電影《墮落花》開鏡儀式,身為男主角的他表示是社團的承繼人:「但同其他承繼人又唔一樣,受過良好教育,斯文有禮,表面上係正人君子,但點知心理變態。」問到怎樣心理變態?他笑言:「呢個角色比較重情於色慾。(咁益你?)所以都幾大突破。(同邊個多對手戲?)溫碧霞同埋郭奕芯。」他亦謂未拍,都未知自己尺度可以去到邊,但都好多色慾戲,對手會多於一個。

會拍得奔放啲

他亦謂當中會除衫:「或者唔除衫都可以性感,我自己都有諗過,我覺得着西裝貼身其實都幾sexy。」講到尺度,如果像梁朝偉要露「蛋蛋」可以嗎?他說:「真係唔知,因為我未到拍嗰個情況真係唔知,但我覺得拍咗先囉,因為可以剪架嘛,最後出嚟唔啱可以剪,同埋有鏡頭就,所以我覺得可以,反而拍時我覺得唔會就住就住,會好難拍,動作戲已經好攰,所以奔放啲,如果拍出嚟真係接受唔到咪cut咗佢。(但到時唔係你話事。)有Mani同監製就得架啦。」