滿面皺紋歷盡滄桑　56歲王傑：老了真好

56歲嘅歌手王傑於2018年宣布發行最後嘅唱片後會離開樂壇，令唔少粉絲大呼可惜。佢消失喺娛圈一段時間，近日佢喺社交網蒲頭，上載多張大頭自拍，相中見到佢滿臉鬚根，黑眼圈盡現，佬味甚濃！佢亦留言好開心可以做自我：「做真正的自己真好！臉上的皺紋，代表着歲月的蹉跎。白色的鬍子，代表着歷練的沖刷。人的一生，還有甚麼比追求自我更好？此刻的感覺！老了真好⋯⋯」佢上月底亦有到美國開小型演唱會，見佢十分享受當晚跟粉絲見面。有網民直指王傑真係老咗唔少，但人人都會有老嘅一日，反而好鍾意佢現時嘅狀態！